嘩!!!!! 一年一度的盛事DSE又黎啦!!!!!!!! 作為數學導師既我, 每年遇到呢項盛事都百感交集。一方面非常期待學生既佳績, 一方面要送別每個星期都見面既學生們。雖然經歷多個寒暑既我心裏明白「天下無不散之筵席」既道理, 但係每逢夜闌人靜既時候, 總是難忍離別之淚。唏噓過後, 小弟忙裏偷閒喺Netflix 睇左「功夫熊貓」。本來飽歷滄桑既我都估到Dreamwork的電影最後一定係老套既大團員結局 , 但係出乎意料地今次電影蘊藏既哲理對我有莫大既啟發。
主角阿波係肥腫難分既熊貓, 既是渾渾噩噩, 又無練武既經驗。相反師福係武林高手, 訓練徒弟亦有一套自己既心得, 使佢可以令五位徒弟可以成為「蓋世五俠」。師福試圖利用以前佢訓練嗰五個徒弟既方法黎指導阿波, 可惜徒勞無功。本來師福欲放棄阿波, 覺得佢全無天份, 再投資時間落去只會白費心機。經過龜仙人一輪鼓勵下, 師福靈機一觸, 諗到一個為阿波度身訂造的教學方法: 利用阿波為食既動力, 不斷將枱上的點心移動, 阿波為左食點心, 會不擇手段搶食, 從而迫出佢既潛能。結果, 阿波成為一位武功蓋世既絕世高手。
由做導師既第一日開始, 我都會不停微調我既教學方案。除左喺堂上證明公式俾學生睇, AI 可唔可以幫到手? 同一個課題有無可能有多個一個教法? 每日不斷改善教學法絕對係我一生一大樂趣。
祝大家心想事成, 身體健康!!!!!
