數學補習老師 – Andy Wan

  • 香港中文大學數學系(榮譽)學士
  • DSE Mathematics Compulsory Part & Module II 5**
  • 多年中學數學教學經驗，對初中和高中的課程瞭如指掌，擅長補底，精通Core及M2

數學教學，不應只是背誦公式，而是透過理解背後的邏輯和概念，培養真正的數學思維。數學萬變不離其宗，當我們看透當中的規律，面對未知題型亦能從容面對。

我的教學理念:

1. 理解「為什麼」，而非死記爛背

面對大量公式，學生需要明白原理，死記公式只會令到學生遇到新題型「坐左係度」，尤其依家考評局經常將題目重新包裝，好多同學連第一步都寫唔到，所以做數之前一定要搞清楚唔同嘅數學概念，亦要知道每一個step「點解要咁做」。

2. 適當操練，而非死操爛操

好多同學操數都係靠死操題目，背熟題型，但係不甚理解原理，當考試遇到題目轉一轉樣就好容易跌落陷阱。

操數從來都係要「質量重於數量」，亦要做「錯誤分析」，做錯咗要知道自己錯咗啲咩，所以我希望同學可以操數時唔好機械式操卷，而係針對自己的不足進行適當操練。

3. 亦師亦友，互相交流

我覺得導師除咗作為知識傳授者，與學生建立互信也是非常重要，鼓勵佢哋多啲提問，可以令到大家加深認識及交流，同學就更能夠相信我可以幫到佢哋，自然更加享受學習。

作為曾經的考生，我都十分明白同學的想法和痛點，希望能夠以自己嘅經驗幫大家披荊斬棘。