Sarah，一位令我又恨又愛嘅學生，她思維簡單，睇佢做數係好難尋找到她的思考邏輯，但佢又可以從無章法中推演到一堆 “答案”，是如此一位神奇嘅學生。
初次幫 Sarah 數學補習，佢數學能力真的好弱，剛講完嘅概念，佢話識、識、識，轉頭做數就已經忘記得一乾二淨，然後用佢自己一套不知從何而來嘅方法，寫了非常多嘅步驟，但無一個步驟係關於條數的，例如做緊直線方程，佢係可以無端端當咗二次方程去㩒機 (又剛巧㩒到靚數)，跟住就將嗰啲 “答案” 當係 x-intercept 及 y-intercept，起初睇時真係百思不得其解……
既然佢嘅章法係亂嚟，就要按住佢我行我素嘅做數方式調教，我要佢先寫好晒每條題目嘅目標及所需使用方法，睇完有錯就改，直到寫到晒合理嘅方向才下筆處理，起初大家都係吃力的，試得十題、二十題、…. 此個方法終於可對 Sarah 起到作用，不再是盲頭烏蠅橫衝直撞了。
當然喺計算上，Sarah 都係有啲粗心大意，但起碼方向正確先。喺學校小測前，先給她溫習一下，然後比咗啲稍為困難嘅題目佢去操練，雖然不是完完全全可處理所有題目，但都可做到六、七成，最後給她一句 : 審題清晰、下筆前問自己方向如何…..
以下是她小測後持數學滿分嘅 feedback :
凡事無絕對，只要用心學習、用心操練、用心思考，即使數學多弱嘅學生都可以創造傅奇 (當然所有學科都如是)，踏出一小步，創造專屬你的傳奇吧！
