三個方法,解決學生常出現的Careless Mistakes

Careless Mistake

是咁的,同很多學生一樣,我喺讀書時期數學考試經常「死唔小心」,有時可能係喺運算過程中搞 錯正負號,有時就是沒看清楚題目字眼。當時我都有問過學校老師可以點樣減小careless mistakes, 得到嘅回覆係:「做多啲題目」。我當刻真係R爆頭? 。成本Textbook嘅exercises我都做哂了,仲 叫我做多啲係咩玩法?

咁我會建議大家點減小careless mistakes呢?答案係「做多啲」,完! ‧

講下笑姐,做多啲題目嘅目的係為左去熟習唔同嘅題型,將你學到嘅概念同技巧融會貫通。要減小 careless mistakes,我建議由建立好習慣開始做起

1. 培養自己發掘錯誤既習慣

我會建議大家平時做完數後自己對一對答案,當發現有錯, 唔好急住求救,試下自己探究下條題目錯嘅原因:
– 概念唔清?
– 無睇清楚題目?

– 抄錯數字? – 運算錯誤? – 㩒錯機?

我自己就養成一個習慣當我對答案發現自己做錯數時,先會望多次條題目睇下自己有冇睇錯/睇漏 野,如果肯定自己思維方向/步驟無錯,咁用排除法黎諗,最大機會就係運算錯,咁我就會試下再㩒 多次機睇下有冇㩒錯,㩒完機都係錯就睇下運算過程有冇寫錯,真係嘗試過都搵唔到錯咩我先會求 救。久而久之,呢個過程係幫到我練習去點樣去搵啲careless mistakes出嚟。

2. 計完條數,先自己思考下個答案make唔make sense

我見好多學生,好多時做數計完就算,其實大家計到個答案後,都要思考下個答案合唔合理。我就 見過一個學生,做一條關於equations既題目,問緊班上面有幾多個男仔,佢最後係答5.5個男仔,然後夠膽死就咁交卷

3. 整齊 format

我見過有好多學生都犯過上面呢類錯誤,我強烈建議大家 對齊等號對齊等號對齊等號!!!有左呢 個習慣後錯啲正負號/上述呢類錯誤你都可以比較容易去spot到你嘅錯誤。如果同學仔你有讀過會計 科,都知道呢科野係要求到啲格式非常之嚴格。原因係處理咁多數字出出入入,你唔寫齊啲有錯嗰 陣對數真係對到你人都癲。應用到Maths呢科其實道理都係一樣,好簡單,對齊等號,⺒經幫到你唔 小。