美國著名學者 Will Durant 曾經講過：“We are what we repeatedly do. Excellence, then, is not an act, but a habit.”
觀察我嘅學生時，一開始就表現出色嘅同學，未必個個都天份好高；但佢哋做卷時，通常都有一啲提高做卷效率嘅好習慣。例如做 MC 嘅時候，會先剷走錯嘅選項；甚至只係簡單到將自己嘅草稿寫得整齊啲，方便之後對答案。相反，一開始表現較弱嘅同學，未必係能力不足，而係做卷時缺乏呢啲好習慣，表現自然會較容易隨狀態飄忽。
呢啲同學唔係唔想進步，但以前冇人同佢地講呢啲小習慣有幾重要。補習最被低估既好處，就係我地導師可以用我地既經驗，幫助同學建立良好既習慣。日積月累下，同學自然會有所進步。
要喺 DSE 數學有進步，唔使投胎做愛因斯坦；一切都可以由養成一個好習慣開始。
