做老師咁耐，我真係好相信一句說話：「方法啱，其實勁過你死操死溫。」Emily就係我見證呢句說話嘅最佳例子。
半年前，Emily數學成績長期唔合格。其實佢唔係唔努力，成日溫書、操卷都好落力，但分數就係上唔到。咁我就幫佢搵啱方法，教佢點樣用最有效率嘅方式去溫習。
1. 操MC要計時，緊貼考試節奏 首先，我哋由MC題開始，每題都計時，練到佢習慣限時完成每一題，唔會再因為時間唔夠而亂晒陣腳。
2. 針對性訓練，學識啲實用技巧 Emily本身啲代數、運算都ok，但就唔識用啲聰明招數。我教佢點用計數機啲功能，點設座標，佢每次做完卷之後都表示啲技巧真係好實用，答題又快又準。呢啲其實好多人都忽略咗，時間控制令學生一定完成到試卷，仲會有更多時間check卷減少careless.
3. 卷一有策略，主打高性價比題目 卷一我就帶佢專攻啲高回報題型，最難嗰啲（好似3D、四心）暫時唔理，跟住marking scheme學識啲最易攞分嘅題目，慳番唔少時間又有信心。
4. 半年大進步，Final考到入Top 5
呢啲方法真係幫到Emily，Final唔單止合格，仲考到八成分！直接升咗上全班頭五名。佢唔再死操卷，而係用策略溫書，時間同精力都花喺最有用嘅地方。 我一直覺得，老師最重要就係搵到條最簡單、最快幫學生達到目標嘅路，唔使學生行冤枉路，都可以攞到高分。Emily就證明咗，「方法啱，努力先至有回報」。
