數學唔係只係知識嘅堆砌，更係信心同勇氣嘅比賽。而起數學路上，每個人起點都唔同，但只要肯踏出第一步，勇於嘗試，失敗就不再係終點，而係通往成功嘅階梯。
一開始接觸到E同學果陣，佢已經係數學嚴重落後，成績長期處於谷底。佢唔單止基礎薄弱，好多基本概念都混亂，更嚴重嘅係——佢完全無晒自信。每次做練習或者小測，佢答題時總係猶豫不決，筆停喺半空，眼神充滿恐懼，怕一寫錯就會被批評。結果越怕越錯，越錯越無信心，形成咗一個惡性循環。於是我冇急住狂操難題，而係先從最簡單嘅題目入手，每一次佢肯落筆解題，我都會肯定佢嘅嘗試。 慢慢地，我發現E同學其實有潛質，佢只係被恐懼綁住咗手腳。我不斷鼓勵佢：「唔好咁驚做錯，試下做左先，話唔定原來你係做啱呢？」我會刻意比啲「安全嘅挑戰」佢做，先易後難，每當佢成功解出一題，就即刻讚揚佢嘅進步，同埋分析點解呢次成功。
經過幾個月嘅陪伴，E同學開始有明顯嘅改變。佢由一開始答題時「筆都唔敢落」，到而家敢於大膽寫出自己嘅思路，即使仲有錯漏，都會主動同我討論：「阿sir，我覺得呢度咁樣解會唔會得？」佢嘅眼神不再充滿畏懼，而係多咗一份探索嘅光，E同學家長仲同我講：「第一次聽佢講長答題全部識做。」。
希望E同學繼續保持呢份勇敢，亦希望更多同學睇到呢個故事後，都可以對自己講：「我敢試，我會進步。」。要知道努力從來唔會白費，勇敢嘅你，已經喺路上。
