中二嘅W同學一開始基礎相當薄弱，一啲簡單嘅代數基礎運算甚至學校剛學過嘅 identities and formulas 都幾乎無概念。但未必係佢能力不足，而可能係學校進度快，中間落後就好容易跟唔上，或者老師嘅教法同佢嘅學習風格唔 match，以致佢對數學完全提唔起勁，信心漸漸流失，形成咗一個惡性循環：越唔明白 → 越唔想學 → 越考得差。
嚟到我嘅課堂，我盡量營造一個輕鬆但認真嘅學習環境。學生可以即時互動、隨時發問，唔似傳統大班課咁死板沉悶。同時，我會確保班上每位同學都專心投入，互相帶動，形成一個真正可以專心學習嘅氛圍。
針對W同學，我度身訂造咗學習計劃：先由最基本嘅 algebra 概念重新建立基礎；之後逐步引入標準題型。考試前，我特別根據學校嘅出題模式做針對性嘅試題練習同時間控制嘅訓練，讓佢熟悉節奏同常見陷阱。
一個學期過去，W同學由原本唔合格，到期中試考得70多分，學校老師都讚佢有進步。佢重拾咗對數學嘅信心，我作為老師都為佢感到非常開心同驕傲。
教育唔單止係教課本上嘅知識，更重要係幫學生搵到適合自己嘅學習方法，重建自信，讓佢哋明白：只要有合適嘅指導同堅持，每個人都可以由「唔得」變成「得」。
見證W同學嘅轉變，正正係補習工作中最有滿足感嘅一刻。
