係平日的課堂上，我經常聽到同學問：「阿sir，呢題有冇 Program 可以直接撳機出答案？」由此可反映出大家對計算機較為依賴。不可否認，計算機的內置公式（Formula）和程式（Program）確實能幫我們在分秒必爭的 DSE 試場中快速斬獲分數。然而，不少同學卻陷入了「為撳而撳」的盲區，只顧死記硬背輸入（Input）的步驟，卻根本不理解輸出（Output）的數字背後代表著甚麼數學意義，所以入不同Program之前，同學其實需要理解自己背後入嘅以及出嚟嘅答案分別代表緊啲咩嘢，搞清楚嗰program可以幫助我地處理什麼類型嘅題目。例如最常見的Solving Simultaneous Equation : Ax+By+C=0/Ax+By=C and Dx+Ey+C=0/Dx+Ey=C，呢個program可以幫助我們極速找到unknowns : x以及y的value，但係要注意係有program係in Ax+By+C=0 format，亦都有program in Ax+By=C format，所以入嘅方法都有所不同。
至於入幾多Program先夠，我覺得真係唔需要太多，太多反而會distract左我地嘅基本運算能力，就譬如Solving Simultaneous Equation，個concept不太難，只係最基本的solving題目，其實by computation十分能夠睇到同學仔基本功是否穩固，而且做Long Question我地不能夠直接寫出答案就當完事，所以與其花時間入大量program，不如投入更多時間練好基本功。
再者，考DSE的時間十分緊迫，真正落場的心情與平時操卷截然不同，太多program反而有機會令自己更亂。有位同學甚至問我：「需要帶兩部計數機嗎？」作為昔日的DSE考生，我會話考場的檯十分細，一部計數機加文具及試卷空間已經有限，真的不需要太多Program，一部夠用。
希望各位同學明白，Program只係輔助我地Check答案/快速找到unknown，計數機只是輔助性質，基本運算與推導能力才是不可或缺的靈魂。如今 DSE 的數學科題型越趨靈活多變，考評局深知同學的「撳機心態」，近年經常在題目中刻意加入未知數（Unknown algebra）或扭轉傳統問法，令一啲可以一鍵直出的程式瞬間武功盡廢。當基本概念含糊不清，一旦題目扭轉問法，好多同學就會頓時手足無措。
因此，與其盲目追求滿機程式，不如先扎實清好基本 Concept，唯有靈活的數學腦袋配合計算機，先可以在公開試中以不變應萬變。基本功紮實何懼之有？！
