岩岩完咗一次大考，好開心見到好多學生都有進步，真係戥佢哋高興：）
整體嚟講，學生表現都唔錯，大部分都穩定上軌道。特別係協恩中學(HYS)嘅兩位同學，佢哋成績唔單止好，態度又認真，書寫又整齊，真係好值得讚賞。
不過，我都有反思到自己之前嘅教學方式，尤其對啲基礎較弱嘅學生，有時因為佢哋重複犯同樣嘅錯，我嘅語氣可能會比較嚴肅，可能令學生感覺有啲壓力。為咗令學生可以更加輕鬆咁學習，我打算未來嘅課堂會更加簡單直接，對於理解較慢嘅學生，我會少啲提問，多啲用清晰嘅講解幫佢哋理清思路。
另外，課堂紀律方面我將會收緊啲，上堂唔可以隨便傾計，因為咁樣會影響到其他同學嘅學習。如果有同學繼續影響課堂，情況嚴重嘅話，我會通知家長，希望可以同大家一齊維持良好嘅學習環境。當然，我好歡迎大家喺課後或者WhatsApp分享返學嘅趣事或者興趣，咁大家都有機會交流。
至於進度快嘅同學，我會繼續提供挑戰題，確保佢哋唔會悶，繼續保持進步。
多謝大家一直以嚟嘅支持，期待未來每位學生都可以開心同埋有實質嘅進步！
