轉眼間，又送走一屆學生。
今年對我嚟講，唔係一個輕鬆嘅教學年度。DSE卷風格近年不斷轉變，問題無論運算量亦或是複雜程度都不斷提高。有見及此唔少學校教學進度加快，題目愈出愈「內卷」，學生壓力比以往大。但正正因為咁，作為老師，我更加要做定海神針, 學生要進步，自己亦需要進步。
最深刻係幾個學生嘅轉變—— 有位學生一開始連最基本 Algebra、formula 都唔穩，但對自己要求又好高。試過有次學野學到唔明上堂做數做到喊。但佢最後都係冇放棄肯踏實由頭學起、執好D壞習慣。每次錯題都記低，真係由 Level 3 衝到 Level 4～5，再到坐5望星； 亦有啲原本好叻既學生，中途信心跌過谷底，最後靠住一次又一次的計時負壓訓練，不斷檢討再檢討，一步一步突破上黎。
每一次同學生做mock和分析錯題，其實都唔單止只係教識佢地做嗰條題目咁簡單，而係一次次了解佢哋嘅思維模式：點解會錯？卡喺邊？壓力下有冇用返平時學過嘅策略/思維模式？每一次解題，背後更重要既係幫到學生建立一套屬於自己嘅解題系統。
今年除咗繼續打磨自己既教學技巧外，都發覺自己要繼續學習
點樣教學生面對情緒波動
管理好自己狀態
點樣喺迷失時拉住佢哋返正軌
每年送走一班人，都有啲唔捨得，但更加感恩，可以親眼見證佢哋一步一步突破自己、相信自己、為自己而努力。
而今年，仲有一個小小轉變。 係我第一次有屬於自己嘅團隊。雖然仍然摸索緊點樣做得更好，但好慶幸有班願意一齊砌、願意相信教學理念嘅夥伴。佢哋令我更加相信——唔止學生需要被成長，每一位老師都值得被 support。
下年繼續，一齊進步。
