由讀書到宜家, 我都唔鍾意盲目信從權威。 因為世界本來就係十分嘈雜, 不論古今中外, 身邊有不少人都鍾意利用他們堅信既「至理名言」幫自己指點江山, 就好似我今日所講既主題「勤有功, 戲無益」, 呢句說話;亦我仲係小學生既時候曾經篤信既所謂格言, 如今作為數學導師, 我對此不能照單全收。
我以為: 遊戲係百害而無一利。
其實: 只要有適當既指導, 遊戲也可以有益身心, 幫助思考。
數學對我黎講係一門遊戲, 但係呢款遊戲需要有好多已有知識先可以玩得出色。我細個既時候, 遊戲機是我既朋友, 其中最受我喜愛既係「寵物小精靈」。嗰玩法其實非常簡單, 只要扣哂對手精靈既所有血量, 就可以賺到經驗值幫自己既精靈升級, 從而幫玩家打更難既關卡。但係精靈有接近20款屬性, 有火、水、木、飛行系等, 如果屬性相勊, 攻擊力就可以x2 (例如火勊水, 所以用火屬動作攻擊水系精靈攻擊力 x 2, 反之會x0.5)。
我覺得「寵物小精靈」同我教M2有相似地方, 有啲學生鍾意記公式, 咁做數就省略左推導公式既時間, 就好似我會記小精靈既屬性幫我過關。有啲學生唔擅長記野, 就會用M2 DSE考試俾既Formula Sheet 證明題目, 佢地就好似寵物小精靈訓練員會靠精靈圖鑑幫自己了解精靈屬性, 其實2種方法都可以殊途同歸, 達到勝利的目的。
當然, 我唔係想藉文章慫恿學生終日嬉戲, 荒廢學業, 只係想講只要時間安排得宜, 遊戲必有得著。數學正正就係一個遊戲, 玩法唔一定係只局限記公式, 計sin cos tan, 只要有適當既指引, 我相信學生可以從呢個遊戲有莫大既裨益。
