之前講過嘅S同學，最近暑假開始後，她主動同我講，下年度打算轉讀IB。
當然我爲她的進步感到驕傲。由最初每堂逐少嘅改善，到而家已經累積咗好多明顯嘅改變。最近我開始教她新課題時，我發現她可以自己運用舊知識，再結合新內容去完成題目；遇到新類型題目亦唔再只係「等答案」或「照步驟做」。佢會先停一停，試吓回想課堂上學過嘅解題方向。有時未必一開始就全對，但佢嘅思考過程係真係有進步；就算最後需要少少提示，她都能夠即刻接上，亦更明白自己錯在邊一步。
我亦注意到，她開始建立咗更持續嘅做題習慣。以前遇到難題可能會想快啲跳走，但而家她更願意花時間多嘗試幾次。她會嘗試用唔同角度去拆題，亦會在做完後檢查：係咪計算失誤、理解錯誤，定係方法選擇唔啱。呢種願意檢討同累積嘅態度，先係令成績可以真正向上走嘅原因。
我覺得，作為一個補習老師，幫學生改變成績固然重要。不過有時候，透過鼓勵學生們多啲思考，當他們完成題目、運用及明白到課堂上講的技巧，並且俾到正面嘅肯定，往往真能夠改變學生對學習嘅心態及信心。至少你會發現，他們開始相信自己有能力去挑戰一些較難的題目。縱使最後可能仍然需要一些提示，但最重要是：學生願意多花時間思考，亦願意面對挑戰——而呢一步，會一路帶佢走得更遠。
