「 剎那光輝唔係永恆。」呢句說話我認為最適合形容今篇文章的嘉諾撒聖心中學 (Sacred Heart Canossian College, SHCC) 女主角I同學。
I同學係由上年九月Form 1 跟我補習到今時今日的學生。根據佢娘親所講, I同學小學既時候每年都名列前茅, 數學考試成績每次都勇奪9x 的成績, 但從佢頭4堂的表現可以說是判若兩人。英文題目的理解佢係還好, 可是學正負數+ 最大公倍數的時候, 運算可以說是錯漏百出。自從升上中學後, 佢測驗總是肥佬收場, 情況令人擔憂。
幸好佢有一個非常緊長佢學業的媽媽, 佢媽媽都睇到女兒對概念唔理解, 擔心會唔會影響到日後數學的表現 。I同學初中數學表現欠佳的原因係因為過往學數的方法同習慣不當, 每次遇到唔明既概念時, 往往好似食快餐咁, 囫圇吞棗, 未經消化就硬背做法, 才會有咁既結果。
有見及此, 我改變左一啲教法: 教正負數唔要I同學背正正得正, 負負得正等的口訣, 我利用跑道同升降機解釋正負運算。 雖然佢唔寫步驟的習慣到宜家都未完全改到, 但佢寫既答案至少比以前剛剛黎補習既時候合理, 考試都攞到7成既分數。
知識同習慣需要隨環境改變, 如果只懂得利用以前小學的學習方法應用黎應付中學進階既知識, 結果只會事與願違。 變幻原是永恆, 唯有不斷學習, 才可以擁抱著變化與永恆。
