上2回談及龜兔賽跑的故事, 係時候開估結局啦!!!!! R同學差一分做到全Set第一, H同學雖然願意起跑, 但革命尚未成功, 同學仍需努力, 加油!!!!!!
我之前的文章大多都係「賣花讚花香 」的故事, 但由呢篇文章開始, 我會開發一個 「以為其實 」系列, 我會講一些我剛剛入補習呢行/入行前的一些迷思, 然後在補教行業待過若干日子後既睇法既改變。
我以為: 只有名校生先要補習。
其實係: 雖然名校生需要補習, 非名校生更需要補習。
喺我入行的初期, 我會一直以為名校生才需要見識不同題型, 直至我親身接觸過啲非名校生後, 我的想法有左180度的變法。 我見過有一啲Band 2-3 學生, 佢哋校內成績非常唔錯, overall 有8成以上, 甚至係全級頭3名, 所以誤以為自己DSE 都會攞到5/5*。但係當佢地黎補習時侯, 我predict 佢哋只有3。我諗返轉頭不無道理。佢哋學校老師為左令成績「好睇啲」, 會跳左一啲難課題唔教( 例如圓形方程/ 3D 三角學) 等, 但係現實係非常殘酷, DSE 每年都會有難題分考生高下。 如果學生完全唔掂呢啲難課題, 滑鐵盧係必然的結局。
有見及此, 我會教番佢地DSE 會出現既難課題, 用我的方法幫佢地如何應對DSE 帶來的挑戰。 我經常會同佢地講「你對手唔係學校的同學, 係出面嗰幾萬個黎自不同學校的考生」。
仲有大概6個月就開考啦, 加油, Fighting! Fighting !!!!
