好多學生都以為，自信係源於成績好或者比賽贏，但其實真正的自信唔係來自外界的結果，而係對自己有清晰的了解。知道自己的長處同短板，再喺呢個基礎上努力進步，先至係建立穩固自信的關鍵。
1. 忙碌的學生，缺乏了解自己的時間 現代學生的生活充滿學業同課外活動，導致佢哋冇機會真正了解自己，唯一知道自己能力的時候就係派成績或者比賽結果。假如結果未如理想，就會開始質疑自己，甚至長遠嚟講變得自負或者完全放棄。呢種對結果的依賴，會令學生忽略自身的潛力同需要改善的地方。
2. 自信唔係自大，而係了解自己 啱啱接觸G同學時，佢睇落係一個好自大的人，覺得唔需要特別努力。但深入了解後發現，佢其實係一個好冇自信的人，因為怕失敗而唔敢嘗試。當我幫佢指出邊啲地方做得好，邊啲地方需要檢討，佢開始對自己有更高要求，亦會喺做得唔好的地方積極改進。自信唔係「天下無敵」，而係知道自己的能力範圍，清楚自己做到與需要改善的地方，再喺呢個過程中建立穩固的信心。
3. 了解自己能力，先可以擴展能力 另外一位男拔G同學的數學成績一直都唔合格，所以開始放棄數學，但當佢被屋企人逼嚟補習時，我發現佢其實理解能力幾好，數感亦唔錯，只係缺乏清晰方向。我用提醒的方式幫助佢逐步掌握學校教的內容，等佢喺題目中發現自己的能力。當佢了解自己原來有實力應對考試時，佢自然提升咗自信，甚至喺考試入面有巨大的進步。了解自己的能力，並慢慢提升能力範圍，先係建立自信的方法。
自信從來唔係來自外界的判斷，而係對自己的了解。清楚知道自己的長處同短板，並喺過程中努力改進，先可以擁有穩固而持久的信心。學生唔應該只追求結果，而係多花時間了解同提升自己，自信就會自然流露，進步的最大助力。
