好多人以為「天才」即係完美無缺，但其實，真正的強者係最清楚自己仲有幾多不足，並且永遠追求進步。喺學習中，接受唔完美並唔係失敗，而係成長的開始。
1. 完美係不切實際 Q同學每次做中六的模擬試卷時，因為冇計時，總係可以完成晒。但一到正式考試，就唔夠時間，甚至唔知點樣落手。當我幫佢計時練習時，先發現佢對基本的解題技巧唔熟，往往揀啲易明但低效率的方法，導致時間分配唔合理。其實，佢最大的問題係過於追求「穩陣」，忽略咗效率同靈活性。學習上，完美係不可能的目標，但喺過程中發現不足，然後針對性改善，先係進步的關鍵。
2. 唔停手的背後係自我要求 真正的強者，唔係因為佢哋「已經夠好」，而係佢哋一直保持「我仲可以更好」的態度。每次成功之後，佢哋會主動檢視自己，發現仲有咩可以改進。呢種自我要求，並唔係來自外界的壓力，而係源於內心對進步的渴望。當你完成一份作業，唔係只滿足於「完成咗」，而係花時間回顧自己的過程，「如果俾多次機會你，會唔會做得更加好？」
3. 失敗係進步的起點 M同學平時做題目的速度快，但從來唔寫清楚步驟，解釋同表達一直係弱項。對上一次測驗，佢雖然識做晒所有題目，但分數仍然不如理想，因為解釋唔完整，表達有漏洞。呢次失敗令佢意識到，自己唔單止需要正確答案，更要清楚條理同細節，例如解釋原因的脈絡。假如冇今次的挫折，佢可能永遠都唔會發現呢啲不足。失敗並不可怕，重要係從中學習，令自己變得更強。
學習的路上，唔需要追求完美，而係接受自己的不足，並且喺每一次挑戰同失敗中去改進。真正的強者，係永遠保持「我可以再好啲」的心態。只要願意面對自己的弱點，逐步提升，弱小都可以成為強大的起點！
