上回講到補習除左名校生需要外, 非名校生亦有他們的需要。今日我要講既係關於由小學啱啱升上中一的小朋友們。
我以為: 小學成績好, 升上中學成績一定會好。
其實: 小學成績同中學成績無直接關係。
每一年我多少都會有中一學生揾我補習, 通常我得知佢哋情況既渠道喺佢地既爸爸媽媽。佢哋既想法就同我啱啱入行既想法大同小異, 諗住小學成績好, 即係數學基礎唔錯, 所以佢哋會理所當然地認為中學的數學考試都會名列前茅。可惜往往事與願違, 每當佢哋既子女收到一份只有五成/六成既分數時, 我都會感受到佢哋既憂慮, 擔心如果一直情況無改善, 會影響日後更高年級既學習。
其中關鍵在於學生唔適應新既學習模式, 佢哋最初上我堂既時候, 我觀察到佢哋好鍾意一下就寫個答案, 中間無過程, 無解釋, 結果反而用左更加多既時間思考自己錯邊。上到中學, 要解決既問題遠比小學複雜, 不能一步登天, 寫步驟既方法+細節成為解題成功既關鍵。遇到呢個情況時, 我會講笑咁提佢哋貪字得個貧, 走捷徑要行既路遠比正途陡峭。通常經過我「奪命煩音」後, 佢地最終會不堪我hard sell 步驟既壓力, 會喺功課+堂上寫返steps 俾我, 成績先上返軌道。
新一年祝大家學業進步, 身體健康!!!!!!
