數學補習老師 – Levin Cheung
- 香港中文大學理學院(榮譽)學士
- DSE Mathematics Compulsory Part 5**
- 十多年小組教學經驗，擅長為不同程度學生提升數學成績
我的教學理念:
1. 解惑
學生搵我補數學，我自然要佢解惑。
我會將學生做數學嘅疑惑分為兩大類：未明白 和 明白但唔識做。
未明白：試過有學生升班之後，同我抱怨今年數學老師每堂只係講兩句就直接跳去講例題，結果當然做功課時就一頭霧水。我認為學生如果未清楚明白數學概念就落手做題，就算跟住例題去做到個正確答案，都好容易唔記得，下次遇到相同概念嘅題目又會「卡關」。
每次學生去新嘅topic，我都會花些少時間將相關概念再教一次，希望學生開始做題目之前搞清楚當中嘅數學邏輯。另一方面，進度較快嘅同學再聽一次同一個概念亦可以鞏固佢地嘅理解。
明白但唔識做：大學畢業之後曾經教過一個學生，讀小學果陣數學成績理想，但升上中學之後就開始游走合格邊緣，為佢揼心口之餘，亦令我反思自己教學方式是否太著重「操數」？
自此，我要求自己的教學「重質不重量」：講解例題時向學生解釋每個步驟與所學概念之間的關係，例如：初次學習利用恆等式展開，我會向學生清楚解釋每個項對應恆等式邊個部分。從而令學生做完一條題目，可以將所學知識帶到下一題。
近年一次較深刻教學經歷來自教導兩個唔同學校的Form 2學生三角比。其中一位同學，我由標示、鄰邊、對邊、斜邊教起；另一位同學由於學校進度較快，重溫完有關概念後就直接由trigonometry identities的題目開始練習。前者由於概念清晰，即使遇到較難題型，我只需要提醒由邊一個直角三角形入手，學生就能順利解題。而後者，由最初我一邊引用恆等式教佢逐步解題，一邊補充說明學校老師快速帶過嘅概念或未提及嘅應用方法，到最後佢歡呼識得自己做出答案，令我真心覺得成功為學生解惑。
