數學補習老師 – Ernest Tsang
- 香港大學計量金融系 榮譽學⼠
- DSE Mathematics Compulsory Part 5**
- 熟悉中學課程及重點 ，拔尖補底皆有心得
我補DSE數學比人問得最多既就係：「數學係咪好講天份？如果由細到大都唔識，係咪注定冇得救？」
我可以好肯定咁同你講：唔係。
我遇過太多學生，一開始見到數學就驚，連打開Past Paper嘅勇氣都冇。但經過適當嘅引導、拆解題型、一步步建立返個底，我見證佢哋由「放棄狀態」變到「有信心應考」。
DSE數學唔係天才嘅專利，而係一個可以被理解、被拆解嘅系統。每個人都可以進步，只係你需要嘅方法同時間唔同。
我的教學理念:
1. 因材施教
我嘅教學，最重視因材施教。
有人Concept弱，有人容易錯Careless Mistakes，每一個同學嘅需求都唔一樣。我會先了解你嘅強、弱項，再幫你對症下藥。唔會「一本筆記走天涯」。
因為我深信：進步嘅關鍵，係用啱你嘅方法去學。所以我會問同學好多問題，要求學生嘗試，解釋該課題的concept，或嘗試做一啲基礎既題目，讓我能確切了解學生的理解程度，從而跟據學生的需要，再深度講解。
2. 啟發思考
我經常遇到的一個情況，就係同學好努力操Past Paper，但考試果時題目部分字眼唔同左，就唔知點算。所以，我唔想只係教學生「紙上識做」，我更希望啟發學生更多思考——即係將來你見到陌生題型，都能識得冷靜拆解，活用所學，試吓唔同嘅思路應對。
呢種能力，先至係真正幫你打贏DSE嘅武器。我希望同學可以主動發問問題，主動去分析點樣可以更加有效率拆解題目，研究同一個課題的不同題型，以及如何應對，而唔係機械式咁操練Past Paper。
我一開始會講多啲同一課課題，不同題型變化，鼓勵同學平時做功課時多留意一啲常見既關鍵字同規律，培養學主動分析的意識。咁樣考試既各種陷阱同學都可以冷靜面對。
我會用我嘅經驗，陪住你去搵適合你嘅學習節奏，為DSE做好萬全準備。
