DSE臨近，開始有很多同學和我討論關於選科的話題。多數學生都係首選醫科或物理治療等專業。比較理象深刻係有位喇沙書院既學生 Joshua 希望攻讀理論物理（theorectical physics)，另外一個自修生學生 Vincent 矢志中大數學精研（enrichment math)，aka 我以前讀嗰科。
對於數學或物理這類 math-heavy 純學術科有興趣的學生，我會建議不要單純基於對中學程度的基礎知識或電影劇集中片面的印象而下決定。 因為這樣可能會跟你預期有落差。記得以前有個學生跟我說佢對天體物理學有興趣，其實只係睇完 interstellar（星際啟示錄）而覺得幾有趣，但佢係一讀數學就頭痛的學生。
咁點樣知自己適唔適合在大學讀數學/物理！？
首先，數學及m2成績不能太差，起碼要有5*以上程度。
其次，同學可以在網上搵相關的大學書藉閱讀。回想當年，我在中學時期都在課餘時間拜讀了天才數學家Terence Tao的著作 ‘Analysis I’ 及 ‘ Analysis II’ 。因為喜歡數學當中嚴密的邏輯論證，而決定在大學讀數學。
如果你唔清楚睇邊本書，可以上一些著名的大學的網站，看佢哋既suggested booklist，Google一下就有。
另外，可以報讀大學辦的中學生課程，或者搵online course睇吓，在YouTube都可以找到，咁可以進一步了解到大學程度的數學或物理到底適唔適合自己。
當然以上既建議只係比你簡單測試下自己嘅興趣，畢竟選科為人大生事，你將會花費4年甚或更長時間在該科目上，記得在下決定前多做research。
