DSE Maths 5** 的摘星策略
今次會分享aim 5**既做卷策略。
有啲同學會覺得做卷策略係冇咩用，因為本身識就識，唔識就唔識架啦，到時唔識計都係冇用。
咁既話，你可能諗漏咗啲野！我建議你睇埋先！
首先，針對Core Paper 1 做卷時間策略，建議大家將時間分配為section A(1) 及A(2)分別為15和25mins, 其餘時間用於 section B ,有時間就check卷。 不過Paper 1時間一般來講很充裕，如果你係目標摘星嘅同學 ，一般來說會剩好多時間，5**水平大概要淨30-45分鐘。
所以，時間分配在paper 1不是很重要的，畢竟你分配完係不會令你計數快左, 而且一定夠時間比你做。 時間分配目的係比你見到自己計時操卷後，速度提升左幾多而已，等你睇到個Progress。
Paper 2 在時間上重要好多，本身就係考你速度同技巧。 我會建議既時間分配係45+min， 餘下時間check卷。
即平均1min/題， 後面’+’指意思是全份卷可能會有1或2題令你卡關， 我會先skip ，最後先計。
[重點** ：計唔到，要跳題]
好多目標擇星既同學，弊病之一係太心高氣傲，覺得自己好勁，對住唔識既題目，有種不服輸心態。
呢種態度非常危險，因為就算你已經達到 5**水平，都唔代表你一定全部題目識做。如果真係有一題MC你唔識，呢類同學好可能會戀戰，唔願跳題，諗住差少少就解決到，但結果浪費左大量時間而做唔切後面，隨時斷送左粒星。
加上你係考試既時候，好難冷靜咁判斷。
我個人做法係先定個時間比自己，例如3min內諗唔到解法，立刻跳題，5min內計唔到答案，跳題。 跳題唔係放棄，只係策略，轉頭翻去再拎埋嗰分，就算真係計唔到，你啱左44題都夠你攞5**，抱住咁既心態應該會令你容易啲說服自己跳題。
