DSE 數學 DSE Maths Paper 2 MC Answer 分佈見解 – 花十秒鐘由5*升至5**
每年paper 2既 ans 分佈Section A: 7A/7B/8C/8D; Section B:3A/4B/4C/4D; Section A + Section B: 11A/11B/11C/12D已經係公開嘅秘密，考評局冇公開講過，但係睇翻每年pastpaper既數據，無一例外,答案都係咁樣分佈。
MC分佈已經old news了，不過呢篇文想講下我對呢個分佈既見解。
即係你拎住呢個資訊，對你考DSE係咪真係有用先，知道個分佈係咪可以令你paper 2個分數有所提升，定係結果同亂撞冇分別？
我花了一些時間去研究，包括利用過往 pastpaper 既數據模擬唔同level既考生表現，再對照用呢個分佈去撞答案同亂ans 既結果，以及親身到考場嘗試靠MC分佈去chok答案。
我得出既結論係呢個分佈係有用既，特別係本身已經超過40分既考生來講特別有用，可以大大提高你撞中ans既機率。不過前題係你要識點樣去用佢。
下面我會梳理幾個對於應用MC分佈既疑問。
Q：本身填左既ans可能有錯，咁仲用唔用到呢招？
A: 係，要做到高答中率，即係一係唔識做，一係做得都要啱，先會令呢招work。呢樣有得練既，MC skills, cal機 program, DSE卷出題邏輯，呢啲上堂再教。
Q：本身Paper 2時間已經好緊逼，仲要數MC分佈咪好浪費時間？
A:唔會！因為考個陣係有MC格仔紙，一目了然，我實測過只係花十幾秒就可以數哂SecA及SecB分別填左幾多ABCD。我見坊間有老師教一路做卷一路mark低自己填左幾多A/B/C/D。我個人經驗發現咁做係好冇效率。我建議係你做哂全部識既，再一次過數。
Q：係咪真係有用？
A：我用例子答你。如果你section A差一條唔識做，咁你可以會得到6788既分佈，呢個情況係必中。另一個可能性係7778既分佈，呢個情況你都只係需要3撞1。加上實際你仲可能根據條題目，或者睇埋section B 及11/11/11/12分佈黎排除某啲答案。
